Meri choti choti aankhon mein tu basta hai,
I wonder ki tu kaise adjust karta hai.
ye aankhein meri choti choti si hai,
per sapne bade dekhti hai,
I wonder sapno ka panorama view kaise click karti hai.
ye meri choti choti aankein kamal ki hai,
har dard chupa leti hai, aur has kar dikha deti hai,
aur kabhi yuhi aasoon ka sailab baha deti hai,
I wonder kab kya karna hai, kaise jaan pati hai.
Meri in choti choti aankhon mein kai raaj chupe hai,
kuch tere , kuch mere ,
kuch kahaniyaan ruki hai,
jinhe chupa kar rakha hai
koi jaan na le isiliye in choti choti aankhon ko jhuka kar rakha hai,
I wonder meri choti choti aankhein wo locker keys kahan rakhti hai.
meri choti choti aankhein badi hi low maintenance hai,
na kajal jachta hai, na maskara lagta hai,
aur in sabka kharcha bhi bachta hai,
I wonder ye aankhein un savings ka kya karti hai.
meri choti choti aankein, na jaane kaise,
kabhi tere , kabhi kisi ke chehre per muskurahat bikher deti hai,
kisi ki badi badi aankhon se tapke aansoon jhat se pooch leti hai,
I wonder meri choti choti aankhein kaise dil se dil match karti hai.
kai bari mujhe lagta hai,
meri choti choti aankhein badi badi aankhon se jalti hai,
badi badi aankhon per songs likhe jaate hai,
har koi insaan inmein doob jana chahte hai,
in choti choti aankhon mein base sapne koi nai dekh pata,
in choti choti aankhon ko koi padhna hi nahi janta,
koi bataye ki in choti choti aankhon ko padhna seekh jaaoge ,
to jannat paoge,
I wonder meri choti choti aankhein apna dil ka haal kyun chupa kar rakhti hai
bas in aankhon ko ek hi baat ka malal hai,
meri choti choti aankhon mein bas tu tair na paya,
kyunki tu unhe padh hi nahi paya,
per ye aankhein tujhe padhna janti thi,
ye aankhein tere dil ka har haal janti thi
I wonder meri aankhein xray effect kahan se laati thi
bas in aankhon ko ek hi baat ka malal hai,
tu in aankhon mein chipe pyar ko na jaan paya,
kisi aur ki badi badi aankhon mein doob gaya
aur ham dono ke ishq ka imtihaan na paar kar paya ,
I wonder meri choti choti aankhon mein base pyar ke sailab ko tu kyun na dekh paya.
Anyways meri choti choti aankhein phir bhi kamal karti hai,
koi inhe padhe ya na padhe, kalmein hazar likhti hai,
I wonder meri choti choti aankhein kuch kuch don’t care kar ke sabki care kaise karti hai
to Janab jara kabhi meri choti choti aankho per bhi gaur farmaiye,
ye kya kehna chati hai, kabhi inke bhi kisse kahani sun kar jayiye.